ಆಳಂದ : ಭಾರತ ಪ್ರಜಾಸತ್ತಾತ್ಮಕ ಯುವಜನ ಫೆಡರೇಷನ್ (ಡಿವೈಎಫ್‌ಐ), ಕರ್ನಾಟಕ ಪ್ರಾಂತ ರೈತ ಸಂಘ (ಕೆಪಿಆರ್‌ಎಸ್), ಹಾಗೂ ಜನವಾದಿ ಮಹಿಳಾ ಸಂಘಟನೆ (ಜೆಎಂಎಸ್) ಆಶ್ರಯದಲ್ಲಿ, ಆಳಂದದಲ್ಲಿ ರೈತರು ಹಾಗೂ ಕೃಷಿಕೂಲಿ ಕಾರ್ಮಿಕರ ಹಕ್ಕುಗಳನ್ನು ಕಾಪಾಡುವ ಉದ್ದೇಶದಿಂದ ಒಟ್ಟುಗೂಡಿದ ಪ್ರತಿಭಟನೆ ನಡೆಯಿತು.
ಈ ಪ್ರತಿಭಟನೆಯಲ್ಲಿ ಡಿವೈಎಫ್‌ಐ ರಾಜ್ಯಾಧ್ಯಕ್ಷೆ ಲವಿತ್ರ ವಿ, ರೈತ ಹೋರಾಟಗಾರ ಪಾಂಡುರಂಗ ಮಾವಿನಕರ, ಡಿವೈಎಫ್‌ಐ ಸಂಘಟಕರು ಸಲ್ಮಾನ್ ಖಾನ್ ಮತ್ತು ಪ್ರಮೊದ್, ಜೊತೆಗೆ ರೂಪಾ ಇಕ್ಕಳಕಿ, ಸುಮಂಗಲಾ ಜಿಡಗಾ, ಹಾಗೂ ಮಲ್ಲಮ್ಮ ಜಿಡಗಾ ಭಾಗವಹಿಸಿದ್ದರು.
ಪ್ರತಿಭಟನೆಯಲ್ಲಿ ವಿವಿಧ ಹಂತದ ಅಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿ ಕೆಳಗಿನ ಪ್ರಮುಖ ಆಗ್ರಹಗಳನ್ನು ಮುಂದಿಟ್ಟರು:ಮುಖ್ಯ ಆಗ್ರಹ ಗಳು:
1 ) ರಸಗೊಬ್ಬರ ಹಾಗೂ ಬಿತ್ತನೆ ಬೀಜಗಳ ಲಭ್ಯತೆ ಮತ್ತು ಮೌಲ್ಯ ನಿಯಂತ್ರಣ – ಡೀಲರ್‌ಗಳು ಮೌಲ್ಯ ಹೆಚ್ಚಿಸದಂತೆ ಕ್ರಮಕೈಗೊಳ್ಳಬೇಕು. ರೈತರಿಗೆ ಸರಿಯಾದ ಸಮಯದಲ್ಲಿ ಗೊಬ್ಬರ ಲಭ್ಯವಾಗಬೇಕೆಂದು ಒತ್ತಾಯವಾಯಿತು.
2) ಯಂತ್ರಗಳ ಬಳಕೆಗೆ ಬ್ರೇಕ್ – MGNREGA ಯೋಜನೆಯ ಜಾರಿ – ಯಂತ್ರಗಳನ್ನು ಬಳಸಿ ಗ್ರಾಮೀಣ ಕಾಮಗಾರಿ ಮಾಡುವುದನ್ನು ನಿಲ್ಲಿಸಿ, ಸ್ಥಳೀಯ ಕೂಲಿಕಾರ್ಮಿಕರಿಗೆ ಉದ್ಯೋಗ ಕಲ್ಪಿಸುವಂತೆ ಒತ್ತಾಯಿಸಲಾಯಿತು.
3 ) ಉದ್ಯೋಗ ಖಾತರಿ ಯೋಜನೆಯ ಬಾಕಿ ಹಣ ಪಾವತಿ – ಹಲವಾರು ಕಾರ್ಮಿಕರು ಬಾಕಿ ವೇತನಕ್ಕಾಗಿ ಕಾದು ಕಂಗಾಲಾಗಿದ್ದಾರೆ. ಅವರ ಖಾತೆಗೆ ತಕ್ಷಣ ಹಣ ಜಮಾ ಮಾಡುವಂತೆ ಆಗ್ರಹಿಸಿದರು.
4 ) ಖಾಸಗಿ ಅಂಗಡಿಗಳ ಮಾಹಿತಿ ಫಲಕ – ಶೇಖರಣೆ ಪ್ರಮಾಣ ಹಾಗೂ ಬೆಲೆ ಪಟ್ಟಿ ಪ್ರತಿಯೊಂದು ಖಾಸಗಿ ಬಿತ್ತನೆ/ಗೊಬ್ಬರ ಅಂಗಡಿಗಳ ಮುಂದೆ ಪ್ರದರ್ಶಿಸುವಂತೆ ಸೂಚನೆ ನೀಡಬೇಕು ಎಂದು ಒತ್ತಾಯಿಸಲಾಯಿತು.
ಈ ಹೋರಾಟದ ಮೂಲಕ, ಆಳಂದ ತಾಲೂಕಿನಲ್ಲಿ ರೈತರು ಮತ್ತು ಕೂಲಿ ಕಾರ್ಮಿಕರ ಸಮಸ್ಯೆಗಳಿಗೆ ಬೆಳಕು ಬೀರುವ ಪ್ರಯತ್ನವಾಯಿತು. “ನಮ್ಮ ಹಕ್ಕಿಗಾಗಿ ನಾವು ಹೋರಾಡುತ್ತೇವೆ. ಸರ್ಕಾರ ಸ್ಪಂದಿಸಬೇಕು” ಎಂದು ಡಿವೈಎಫ್‌ಐದ ರಾಜ್ಯಾಧ್ಯಕ್ಷ ಲವಿತ್ರ ವಿ ಘೋಷಿಸಿದರು. ಪ್ರತಿಭಟನೆಯ ನಂತರ, ಸಂಬಂಧಪಟ್ಟ ಅಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಲಾಯಿತು.
ಇದೀಗ ಸಾರ್ವಜನಿಕರು ಹಾಗೂ ಹೋರಾಟಗಾರರು ತ್ವರಿತ ಕ್ರಮದ ನಿರೀಕ್ಷೆಯಲ್ಲಿದ್ದಾರೆ.
ವಾರ್ತಾ ಕರ್ನಾಟಕ